Tag: Fixed Gear

剛過去的哥本哈根時裝周中，丹麥國寶級品牌LEGO推出了全新Hipster系列人形公仔，參考丹麥年輕人的打扮，為大家熟悉的黃色人仔穿上皮褸和間條T-shirt，服裝色系亦使用時尚潮人最喜愛的黑、白、灰，男裝公仔 並留了二撇雞鬍鬚和超厚髮鬢（據說這是最受丹麥年輕人歡迎的髮型），女裝公仔則架上文青必備的黑色粗框眼鏡；配件方面，除了「大牛龜」耳筒，還有環保一族推崇的Fixed Gear單車，全部製作精美，喜歡收集LEGO的朋友，記得密切留意該系列的推出日期啦！   資料來源: 東方日報   當樂高遇上旅遊: LEGO大電影 自頒奧斯卡 大阪樂高樂園 今年春天開幕 無所不能的LEGO 打造手臂盔甲 LEGO新聞網 「忠實」呈現國際大事！ 回到未來 豐田SR5皮卡樂高版 樂高將在明年再推辛普森一家玩具 英園丁巧手製作「樂高鳥」 Lego樂高推出Frozen城堡組合 耗時三年樂高打造《光環》秋之柱號

單車科技: 玩得 Fixed Gear，一定會俾 Fixed Gear 的簡單結構、有型有款、甚至是踩法所吸引。所以，Fixed Gear 用家當然不會滿足於只玩 ｢成車｣ 啦！8BAR Bike 深明這個道理，所以就推出了 DIY Fixed Gear 服務。 用家只要進入 8BAR Bike 的網頁，就可以開始設計你的單車：首先你可以先選擇車架：車架有幾種類型，你先選好自己心水的幾何，以及尺寸後，就可以繼續選擇其他 Parts。基本上，你想到可以換的部件，8BAR Bike 都可以幫你換到：例如你想換車輪，只要...

單車運動近年在香港冒起，不僅港隊有好成績，連普羅大眾都齊齊投入單車熱，除了Mountain Bike、Road Bike經常見到之外，連技巧較高嘅Fixed Gear（簡稱Fixie）都翻叮埋一份，今次一於請嚟香港Fixed Gear之父Brian，為大家拆解有乜咁好玩！ 變種場地單車 第一眼見到Fixed Gear單車，相信唔少人都會同小記一樣諗：「咪同架普通單車一樣！」其實Fixed Gear係將單車嘅齒輪（Gear）同後轆固定（Fixed），而且減去了煞車系統（Brake），原理同場地單車有點接近，不過前者可以喺街道踩，後者 為鑊場比賽專用。Brian表示：「其實Fixed Gear起初喺美國紐約興起，50~60年代有一班單車速遞員，將唔用嘅殘舊場地單車改裝嚟代步，一來運送時唔怕塞車，二來呢款冇Brake嘅單車，就算 畀人偷咗都唔識踩，可以話一舉兩得！」紐約興起之後，各地陸續出現一班粉絲，慢慢將此文化傳到日本等地。 摩擦地面減速 各位細心留意的話，會發現Fixed Gear車身冇咗繁複嘅煞車線之餘，亦只有一條單車鏈，配合簡約嘅車架、手把、車座及幼軚，齋靠樣已吸引到好多重視生活態度嘅優皮人士。不過想玩 Fixed Gear，首要練得一身好「腳法」，Brian教路：「由於冇Brake嘅緣故，所以減速、停車都要靠雙腳，玩家一定要配備Lock鞋（單車專用鎖鞋）或 腳套，食力啲先做到相關動作。最基本有Skipping同Skid，前者用雙腳快速並連續抽起腳踏同後轆，落地時再將轆輕輕摩擦地面；後者難度高啲，要離 開座椅將身體重心壓前，並以膝蓋頂住手把。」 考驗個人技術 話就話有煞車技巧，不過Brian話都起碼要一、兩星期先練得好。而Fixed Gear減速嘅反應始終冇一般單車咁快，所以踩Fixed Gear一定要警覺性高，呢個正正係佢刺激嘅地方，Brian表示：「我哋成日話踩Fixed Gear要有第六感，因為你要預計兩秒後發生乜嘢事，而且仲要經常留意四方八面嘅行人和車輛，絕對唔可以分心。」話分兩頭，為咗安全起見，其實唔少地方包 括香港都要求單車必須安裝煞車系統，所以香港Fixed Gear玩家都會幫「愛車」安裝前Brake，不過用唔用就要睇玩家嘅個人技術啦！ Skid：可以將車減速並完全煞停，不過要配合上身兼離開座椅，技術較難，而且好傷軚。 Skipping：雙腳快速並連續抽起腳踏同後轆，落地時再將轆輕輕犘擦地面，可於短時間內將車減速。 Track Stand：用雙腳將腳踏維持水平並輕微前後移動，而前轆扭向45度保持車身平衡，靜止時唔使雙腳落地。 Brian's Profile 2005年開始接觸Fixed Gear，並於外國網站訂購車架及零件，同時開始撰寫網誌hkfixed，成功將此文化引入香港。及後開始替其他玩家於美國、台灣等地訂購裝備，並於2008年開設全港首間Fixed Gear專門店Rodafixa。 參考網址：http://mashsf.com...

要數近年最受關注的運動項目，一定非單車莫屬！不但場地單車、摺車、Mountain Bike等受歡迎，就連技巧相對較高的Fixed Gear亦有不少玩家。適逢下個月Red Bull就於香港舉行專為Fixed Gear而設的迷你鑊場比賽，想參加的話，就一定要請教被稱為香港「Fixed Gear之父」的Brian Fu！   驟眼看Fixed Gear單車，一般朋友其實頗難找出與普通單車的分別。其實Fixed Gear意思就是單車的齒輪（Gear）與後輪固定（Fixed），而且未有配備煞車系統（Brake）的單速單車。所以細心一看，就會發現Fixed Gear車架的後輪鎖扣位置呈橫向設計（Horizontal Dropout），用以拉緊單車鏈；而一般單車則45度向下斜（Vertical Dropout），用以安裝變速器；另外，因為不設煞車系統，因此車架前後亦不設安裝煞車系統專用的鑽孔。亦因為車架的構造稍有不同，因此一般單車架並不適用。 既然沒有煞車系統，所以減速、停車都有特別的技巧，Brian說：「Fixed Gear一定要配備單車專用鎖鞋或者腳套，而減速、停車最基本技術有Skipping及Skid，前者以雙腳快速並連續抽起腳踏及後輪，落地時再將後輪輕輕向前摩擦地面；後者難度更高，玩家需要以雙腳固定腳踏至水平位置，再離開座椅將身體重心壓前並以膝蓋頂住手把位置。」 Brian亦表示，Fixed Gear最吸引的地方在於外形，因為Fixed Gear車身沒有繁複的煞車線，配合簡約的車架、手把、車座以及顏色幼軚，外形極有型！另一吸引就是刺激感覺，因為Fixed Gear停車反應比一般單車慢，因此玩的時候一定要保持警覺性，經常留意四方八面的行人、車輛，更要預計兩秒後發生的事情，絕對不可以分心！ 資料來源：東方日報 單車旅遊: 日本單車旅遊:福岡市繁華鬧區 Danny MacAskill 單車攀上蘇格蘭懸崖 單車科技:Garmin EDGE 1000 介紹 智能單車 Visiobike 單車旅遊:工廠活化 新加坡型格單車CAFE 日本單車旅遊:時空騎行 兵庫縣 香港單車:石塘咀單車迷的Café 全球十大單車旅行勝地(下) 台灣單車:小武嶺爭鋒挑戰賽 香港單車:...