Tag: 場地單車

Nuno Teixeira Pluma氣動式場地單車，已經係場地賽騎行，車身近半隱藏在後整流罩中。

Cervelo T5GB ，經過千百小時設計及打造，最終今日出台! Cervelo、創新團隊（R&I）及英國體育學院（EIS）的聯合開發，為了英國單車手擁有世界上最優秀的場地單車。

單車運動近年在香港冒起，不僅港隊有好成績，連普羅大眾都齊齊投入單車熱，除了Mountain Bike、Road Bike經常見到之外，連技巧較高嘅Fixed Gear（簡稱Fixie）都翻叮埋一份，今次一於請嚟香港Fixed Gear之父Brian，為大家拆解有乜咁好玩！ 變種場地單車 第一眼見到Fixed Gear單車，相信唔少人都會同小記一樣諗：「咪同架普通單車一樣！」其實Fixed Gear係將單車嘅齒輪（Gear）同後轆固定（Fixed），而且減去了煞車系統（Brake），原理同場地單車有點接近，不過前者可以喺街道踩，後者 為鑊場比賽專用。Brian表示：「其實Fixed Gear起初喺美國紐約興起，50~60年代有一班單車速遞員，將唔用嘅殘舊場地單車改裝嚟代步，一來運送時唔怕塞車，二來呢款冇Brake嘅單車，就算 畀人偷咗都唔識踩，可以話一舉兩得！」紐約興起之後，各地陸續出現一班粉絲，慢慢將此文化傳到日本等地。 摩擦地面減速 各位細心留意的話，會發現Fixed Gear車身冇咗繁複嘅煞車線之餘，亦只有一條單車鏈，配合簡約嘅車架、手把、車座及幼軚，齋靠樣已吸引到好多重視生活態度嘅優皮人士。不過想玩 Fixed Gear，首要練得一身好「腳法」，Brian教路：「由於冇Brake嘅緣故，所以減速、停車都要靠雙腳，玩家一定要配備Lock鞋（單車專用鎖鞋）或 腳套，食力啲先做到相關動作。最基本有Skipping同Skid，前者用雙腳快速並連續抽起腳踏同後轆，落地時再將轆輕輕摩擦地面；後者難度高啲，要離 開座椅將身體重心壓前，並以膝蓋頂住手把。」 考驗個人技術 話就話有煞車技巧，不過Brian話都起碼要一、兩星期先練得好。而Fixed Gear減速嘅反應始終冇一般單車咁快，所以踩Fixed Gear一定要警覺性高，呢個正正係佢刺激嘅地方，Brian表示：「我哋成日話踩Fixed Gear要有第六感，因為你要預計兩秒後發生乜嘢事，而且仲要經常留意四方八面嘅行人和車輛，絕對唔可以分心。」話分兩頭，為咗安全起見，其實唔少地方包 括香港都要求單車必須安裝煞車系統，所以香港Fixed Gear玩家都會幫「愛車」安裝前Brake，不過用唔用就要睇玩家嘅個人技術啦！ Skid：可以將車減速並完全煞停，不過要配合上身兼離開座椅，技術較難，而且好傷軚。 Skipping：雙腳快速並連續抽起腳踏同後轆，落地時再將轆輕輕犘擦地面，可於短時間內將車減速。 Track Stand：用雙腳將腳踏維持水平並輕微前後移動，而前轆扭向45度保持車身平衡，靜止時唔使雙腳落地。 Brian's Profile 2005年開始接觸Fixed Gear，並於外國網站訂購車架及零件，同時開始撰寫網誌hkfixed，成功將此文化引入香港。及後開始替其他玩家於美國、台灣等地訂購裝備，並於2008年開設全港首間Fixed Gear專門店Rodafixa。 參考網址：http://mashsf.com...