17.6 C
Hong Kong
Wednesday, February 15, 2023

新西蘭工作假期計劃

香港/新西蘭工作假期計劃於2001年4月1日生效,每年雙方均提供400個名額。新西蘭駐香港總領事館會要求申請者出示經濟證明(約為4,200新西蘭元之存款證明),以示有能力在當地短期逗留。 成功申請的人士,可獲新西蘭政府簽發一張工作假期簽證。申請人可於十二個月的逗留期間從事短期工作,惟受聘於同一僱主的工作時間不能超過三個月,亦可選擇修讀一個為期不多於三個月的短期課程。2022年3月15日(星期二)...

Louis Vuitton x 百年法國單車品牌 奢華登場

高檔品牌近來開始進入不同市場,奢華品牌Louis...

大阪全新竹林酒店 Welina Hotel 心斎橋 和 NAGOMI

最近北海度當地開了一間全新滑雪度假村「Setsu Niseko」。酒店是由新加坡房地產品牌SC Global Developments推出的項目...

Fixie踩場 煞車靠腳法

旅遊情報Fixie踩場 煞車靠腳法

單車運動近年在香港冒起,不僅港隊有好成績,連普羅大眾都齊齊投入單車熱,除了Mountain Bike、Road Bike經常見到之外,連技巧較高嘅Fixed Gear(簡稱Fixie)都翻叮埋一份,今次一於請嚟香港Fixed Gear之父Brian,為大家拆解有乜咁好玩!

Fixie

變種場地單車
第一眼見到Fixed Gear單車,相信唔少人都會同小記一樣諗:「咪同架普通單車一樣!」其實Fixed Gear係將單車嘅齒輪(Gear)同後轆固定(Fixed),而且減去了煞車系統(Brake),原理同場地單車有點接近,不過前者可以喺街道踩,後者 為鑊場比賽專用。Brian表示:「其實Fixed Gear起初喺美國紐約興起,50~60年代有一班單車速遞員,將唔用嘅殘舊場地單車改裝嚟代步,一來運送時唔怕塞車,二來呢款冇Brake嘅單車,就算 畀人偷咗都唔識踩,可以話一舉兩得!」紐約興起之後,各地陸續出現一班粉絲,慢慢將此文化傳到日本等地。

摩擦地面減速
各位細心留意的話,會發現Fixed Gear車身冇咗繁複嘅煞車線之餘,亦只有一條單車鏈,配合簡約嘅車架、手把、車座及幼軚,齋靠樣已吸引到好多重視生活態度嘅優皮人士。不過想玩 Fixed Gear,首要練得一身好「腳法」,Brian教路:「由於冇Brake嘅緣故,所以減速、停車都要靠雙腳,玩家一定要配備Lock鞋(單車專用鎖鞋)或 腳套,食力啲先做到相關動作。最基本有Skipping同Skid,前者用雙腳快速並連續抽起腳踏同後轆,落地時再將轆輕輕摩擦地面;後者難度高啲,要離 開座椅將身體重心壓前,並以膝蓋頂住手把。」

考驗個人技術
話就話有煞車技巧,不過Brian話都起碼要一、兩星期先練得好。而Fixed Gear減速嘅反應始終冇一般單車咁快,所以踩Fixed Gear一定要警覺性高,呢個正正係佢刺激嘅地方,Brian表示:「我哋成日話踩Fixed Gear要有第六感,因為你要預計兩秒後發生乜嘢事,而且仲要經常留意四方八面嘅行人和車輛,絕對唔可以分心。」話分兩頭,為咗安全起見,其實唔少地方包 括香港都要求單車必須安裝煞車系統,所以香港Fixed Gear玩家都會幫「愛車」安裝前Brake,不過用唔用就要睇玩家嘅個人技術啦!


Skid:可以將車減速並完全煞停,不過要配合上身兼離開座椅,技術較難,而且好傷軚。

Skid


Skipping:雙腳快速並連續抽起腳踏同後轆,落地時再將轆輕輕犘擦地面,可於短時間內將車減速。

skipping


Track Stand:用雙腳將腳踏維持水平並輕微前後移動,而前轆扭向45度保持車身平衡,靜止時唔使雙腳落地。

Track Stand


Brian’s Profile
2005年開始接觸Fixed Gear,並於外國網站訂購車架及零件,同時開始撰寫網誌hkfixed,成功將此文化引入香港。及後開始替其他玩家於美國、台灣等地訂購裝備,並於2008年開設全港首間Fixed Gear專門店Rodafixa。

參考網址:http://mashsf.com / http://custombicyclemovement.com

資料來源:東方日報


單車旅遊:
單車旅遊: 將任何單車變三輪車去旅遊
4.8秒加速至333公里 噴射單車快過法拉利
單車科技-型格摺疊單車頭盔

單車露營必備-單車拖架
香港單車-「環島單車2015」
2015出戰墾丁 置身山川之美

亞洲5個最佳單車城市
寒冬踩車欣物手套
單車生活:輕波+高腳頻 女子踩車要訣
熱爆冰輪單車
單車科技-一架會說話的單車
單車旅遊-紐約單車(Citi-Bike)共享擴大 民眾出行更輕鬆
車科技日本Walking Bicycle步行單車
單車旅遊-專為摺車旅行行李喼
單車科技:解決無腳架單車泊車問題-Bicyclick
韓國單車旅遊-濟州島騎行之旅
百度研發智能單車系統-DuBike
任何身形都啱踩:美國 UNIVERSAL BIKE
2015日本單車賽事-濱名湖春櫻、藏王雪壁、富良野薰衣草

 

 

Check out our other content

Check out other tags:

Most Popular Articles