旅遊通識:搭飛機十大討厭排行榜

0
336

旅遊通識:各位旅人愛旅遊,但搭飛機時候,可能其他人影響心情。最新Expedia就訪問501位18歲以上的香港旅客進行問卷調查,為大家列出十大討厭排行榜!

第十位 扶手霸王
坐中間位最怕兩邊扶手畀人用晒,個人空間縮小,舒適程度也受影響。
第九位 超級巨無霸
無扶手慘,如果左右兩邊都係大隻佬,隨時變咗人肉軟枕,都咪話唔惡心,係真陰公豬!

第八位 拉櫈精

被人趕走好夢,真係好慘,尤其失驚無神被人從後拉櫈,真係學汪阿姐話齋「搞到人個心都離一離呀!」
第七位 闊佬懶理家長
飛機氣壓問題少不免令小朋友哭哭啼啼,但最重是家長即時安撫小朋友,若遇到闊佬懶理的家長,真係想殺人呢!
第六位 無腰骨
繁忙的城市人,隨時睡着也不足為奇,但最怕遇到未派餐就已經拉低椅背嘅「無腰骨」,用餐唔見半張枱之餘,仲有頭油附送,爽到呢!
第五位 雷公
睡覺扯鼻鼾應該無人想,身邊嗰位惟有帶耳塞,而扯鼻鼾的最好不要躺得太平,免得鼻鼾扯太大。
第四位 開籠雀
一個人坐飛機,有時跳出Comfort Zoom,同隔籬位傾幾句真係唔錯,但記得適可而止,免得變成開籠雀。
第三位 異味怪客
眼可以唔睇,耳可以塞住,鼻呢?如果遇到氣味超凡的鄰座,只好硬食,或者祈求飛機有吉位,執生可以坐遠啲。
第二位 大聲公(婆)
中氣十足固然好,但在空間有限的機艙,正常聲浪隨時會變成倍增,所以音量最好收細,讓大家享受寧靜空間,這也是40%人的意願呢!
第一位 踢櫈魔
大聲可怕,但香港、新加坡和美國旅客同樣公認最可怕的,首推「踢櫈魔」,皆因踢櫈魔通常會採取持續攻擊,就算暫停一會,仍會故態復萌,十分煩擾,並以43%榮登冠軍!

expedia排行榜來源: Expedia / 文:東方日報